Hlutverk skólans
Við vinnum að því í samstarfi við heimilin að búa nemendur undir líf og starf, að hjálpa þeim að finna og nýta hæfileika sína og stuðla að andlegu og líkamlegu heilbrigði þeirra
Kennsluáætlanir
Hafið í huga að valgreinar eru jafn mikilvægar og aðrar námsgreinar í skólanum. Kröfur um ástundun og árangur eru jafnmiklar og í öðrum greinum.
Símareglur
Myndataka er óheimil í skólanum nema með sérstöku leyfi. Síminn á aldrei að trufla kennslustund.
Starfsfólk
Markmið starfsmannastefnunnar er að sjá til þess að skólinn sé aðlaðandi vinnustaður þar sem þróast fagþekking, verkkunnátta og mikill vilji til þess að þjónusta nemendur og foreldra.
Fréttir og tilkynningar
Foreldrafélagið Velvakandi færðu nemendum nokkur spil að gjöf í byrjun desembermánaðar. Þeim var sannarlega vel tekið og mikið spilað á aðventunni. Við þökkum kærlega fyrir þessa gjöf.
Nú liggur fyrir mat á starfsáætlun Grunnskóla Raufarhafnar fyrir veturinn í vetur. Skýrsla um innra mat hefur einnig verið gerð. Á hverju hausti er gerð starfsáætlun í grunnskólum sem lýsir því hvernig fyrirhugað er að starfsemin fari fram. Til þess að tryggja stöðugar umbætur á gerð starfsáætlunar er mikilvægt að meta að vori hvernig gengið hefur. Nú þegar ráðinn hefur verið nýr skólastjóri við skólann fannst okkur í skólastjórn Grunnskóla Raufarhafnar mikilvægt að vanda sérstaklega matið til þess að auðvelda nýju starfsfólki að átta sig á starfseminni. Starfsáætlunin er birt á heimasíðu skólans og má finna hér. Ítarleg innra mats skýrsla var jafnframt unnin og skólastjórnin lagði mat á öll þau viðmið um gæðastarf sem gilda í Norðurþingi. Markmiðið er sem áður að reyna að auðvelda nýju starfsfólki, skólaráði, foreldraráði, foreldrum og nemendum að skipuleggja helstu umbætur sem mikilvægast er að ráðast í. Eins og sjá má eru nú þegar búið að gera tillögu að brýnustu úrbótunum, tímasetja, skrá viðmið um árangur og ábyrgðaraðila. Skóladagatal næsta vetrar er tilbúið og er að finna hér Það er von okkar að skólastarfið á Raufarhöfn verði farsælt og við þökkum fyrir traustið sem okkur var sýnt í vetur. Skólastjórn Grunnskóla Raufarhafnar Gunnþór, Kristrún, Tinna og Arndís
Nemendur Grunnskóla Raufarhafnar buðu nemendum og starfsfólki Öxarfjarðarskóla í heimsókn þann 21. febrúar 2024 til að efla samvinnu og samstarf á milli skólanna tveggja í Norðurþingi. Báðir skólarnir eru með nemendur frá 1. bekk og upp í 10. bekk og taka allar deildir grunnskólanna þátt í samstarfinu. Fréttabréfið í heild sinni er hér - myndskreytt og skemmtilegt. Kennarar og skólastjórn
Þriðjudaginn 10. október er opinn fundur í skólaráði Grunnskóla Raufarhafnar. Þá er öllum í skólasamfélaginu frjálst að mæta og taka þátt. Fundurinn hefst kl. 17.00 í skólanum. Lögum samkvæmt er skólaráð samráðsvettvangur skólastjóra og skólasamfélags um skólahald. Skólaráð tekur þátt í stefnumörkun fyrir skólann og mótun sérkenna hans. Skólaráð fjallar ekki um málefni einstakra nemenda, foreldra eða starfsfólks skóla. Öll velkomin. Dagskrá er sem hér segir: Skipan, hlutverk og starfsreglur skólaráðs Skipulag og áherslur vetrarins Starfsáætlun, skólanámskrá, námsvísir Samstarf Innra mat Önnur mál Frekari upplýsingar og fræðsla um skólaráð má lesa á heimasíðu skólans.
City skyline
Photo By: John Doe
Birthday Sparks
Photo By: John Doe
Fashion Magazine
Photo By: John Doe
Blurred Lines
Photo by: John Doe
